Monday, March 02, 2015

0
Wananchi Chunya walala chini wakiomba waziri mkuu kuigawa wilaya yao

Waziri mkuu Mheshimiwa Mizengo Pinda ameahidi kuigawa wilaya ya Chunya ili kupata wilaya mbili kabla ya uchaguzi mkuu ujao unaotarajiwa kufanyika mwezi Oktoba mwaka huu.

Uamuzi wa waziri mkuu kuigawa wilaya ya Chunya haraka unatokana na maombi ya wananchi wa jimbo la Songwe hususan katika kijiji cha Buyuni ambao wameamua kulala chini kwenye mavumbi, huku mbunge wa jimbo la Songwe, Mheshimiwa Philip Mulugo akipiga magoti chini na kumwomba waziri mkuu kuigawa wilaya hiyo kwa madai kuwa ina maeneo makubwa kijiografia hali ambayo inakwamisha maendeleo ya wananchi.
 
Mkuu wa mkoa wa Mbeya akamweleza waziri mkuu kuwa ukubwa wa wilaya ya Chunya ni asilimia 46 ya ardhi yote ya mkoa wa Mbeya hivyo maombi ya wananchi hao yana hoja ya msingi, huku wa wilaya ya Chunya Deodatus Kinawiro akielezea uwezo wa halmashauri ya wialaya ya Chunya kiuchumi kuwa inajitegemea kwa asilimia 15.
 
Waziri mkuu Mheshimiwa Mizengo Pinda amesema kuwa kikwazo pekee cha kuigawa wilaya hiyo ni idadi ndogo ya watu, lakini kutokana na hali ambayo ameiona analazimika kuigawa wilaya hiyo haraka, jambo ambalo ameahidi kulifanya  kabla ya uchaguzi mkuu ujao.
BONYEZA HAPA KWA HABARI KAMILI>>>

WEKA MAONI YAKO HAPA

0
Kapteni John Komba kuzikwa Mbinga, Jumanne Machi 3

Mwili wa Mbunge wa jimbo la Mbinga Magharibi nchini Tanzania Kapteni mstaafu John Komba unatarajiwa kuagwa leo katika viwanja vya Karimjee jijini Dar es salaam.

Akizungumza nyumbani kwa marehemu Komba. Mmoja wa watoto wake Gerard Komba amesema mara baada ya kuagwa kwa mwili huo hapo kesho utasafirishwa hadi katika kijiji cha Lituhi wilayani Mbinga tayari kwa maziko yatakayofanyika kesho kutwa siku ya Jumanne.
 
Rais Jakaya Kikwete ni miongoni mwa viongozi waliofika nyumbani kwa marehemu Komba leo, kuifariji familia ya marehemu akiambatana na mkewe Mama Salma Kikwete. 
 
Akitokea mjini Dodoma akiwa ameambatana na viongozi mbalilmbali wa chama cha mapinduzi, pamoja na mkewe mama Salma Kikwete, Rais Kikwete ametia saini kitabu cha maombolezo na kisha kuzungumza na familia ya marehemu Kaptein John Komba mbunge wa Mbinga na kuzungumza na viongozi mbalimbali wa chama, serikali ndugu jamaa na marafiki waliofika nyumbani kwa marehemu maeneo ya Mbezi Tangibovu jijini Dar es Salaam.
 
Akizungumza na waandishi wa habari spika wa bunge Mhe. Anna Makinda amesema pengo la kiongozi huyo halitaweza kuzibika kutokana na ucheshi uliomfanya kupendwa na wabunge wengi zaidi na kuwataka wabunge kufanya kazi kwa neema ya mungu na watakapoondoka watakuwa wametimiza wajibu wao.
 
Wakizungumza na waandishi wa habari naibu katibu mkuu wa CCM, Mhe. Mwigulu Mchemba amesema kifo cha marehemu Kaptein John Komba ni pigo kubwa kwa CCM kwa kuwa ni alama ya chama cha mapinduzi na kuwataka wana CCM kuyaenzi matendo ya marehemu Kapten Komba, huku waziri mkuu mstaafu Mhe. Edward Lowasa akiwataka wana CCM na wananchi kwa ujumla kumuenzi marehemu kwa kuiangalia familia yake.
 
Akielezea taratibu za mazishi, mtoto wa marehemu Gerald Komba ametoa shukrani kwa vyama vya siasa, viongozi wa serikali, jamaa na marafiki walioikimbilia familia hiyo katika kipindi hiki kigumu cha kuondokewa na baba yao ambapo amesema mwili wa marehemu unatarajiwa kuzikwa siku ya Jumanne kijijini kwake Manda au Litui mkoni Ruvuma siku ya Jumanne Machi 3 mwaka huu.
BONYEZA HAPA KWA HABARI KAMILI>>>

WEKA MAONI YAKO HAPA

0
UTORO, MIMBA: CHUNYA NI ZAIDI YA KYELA




index
WAZIRI MKUU Mizengo Pinda ameendelea kukemea tabia za utoro na mimba kwa wanafunzi wa shule za msingi na sekondari wilayani Chunya baada ya kupewa taarifa kwamba watoto 4,420 walitoroka shule na wengine 201 kupata mimba.



Februari 26, mwaka huu, Waziri Mkuu aliwaagiza Mkuu wa Wilaya ya Kyela pamoja na Mkurugenzi Mtendaji wa Halmashauri hiyo kuwasaka na kuwakamata wale wote waliohusika na utoro na ujauzito wanafunzi na kuwafikisha mahakamani mara moja ili liwe fundisho kwa wengine baada ya kuelezwa kwamba wanafunzi 94 walipata ujauzito na wengine 645 kuacha shule kwa sababu ya utoro.



Akizungumza na maelfu ya wananchi kwenye mkutano wa hadhara uliofanyika jana (Jumamosi, Februari 28, 2015) kwenye uwanja wa Saba Saba wilayani Chunya, Waziri Mkuu alisema haiwezekani kuiacha hali hiyo iendelee huku watoto wa wilaya hiyo wakiharibiwa maisha kwa kukosa masomo.



“Utoro kwenye shule za msingi, taarifa ya wilaya inaonyesha watoto 1,979 waliacha shule kati ya mwaka 2010 na 2014 ambao ni wastani wa watoto 395 kila mwaka na katika suala la mimba, taarifa hiyo inasema watoto 161 waliachishwa shule kwa sababu ya ujauzito,” alisema.



“Haiwezekani kabisa! Hivi akinababa kuamua kutembea na mtoto shule ya msingi ni lipi hasa unalolitaka kwake… unamwachisha shule mtoto kwa lipi hasa, hapana. Nimeshatoa agizo wahusika wakamatwe. Wa zamani tunaweza tusiwapate, lakini hawa wa mwaka jana kwa shule za msingi wako 28, RC na watendaji wako fuatilieni na muwapeleke kwenye vyombo vya sheria,” alisisitiza.



Akichanganua takwimu za sekondari, Waziri Mkuu alisema kati ya mwaka 2010 na 2014 wanafunzi 2,251 waliacha shule kwa sababu ya utoro na wengine 40 waliachishwa kwa sababu ya ujauzito.



“Ninawasishi wazazi  na uongozi wa wilaya na mkoa tufanye jitihada kuhakikisha jambo hili linakomeshwa mara moja. Huwezi kununua madaftari an kumlipia ada tu halafu usitake kuona mwanao anamaliza shule. Kila mzazi ana jukumu la kuhakikisha mtoto wake anamaliza shule ili awe na maisha bora hapo baadaye,” alisema Waziri Mkuu.



“Nirudie kuwakumbusha wazazi kwamba mtoto wa mwenzio ni mtoto wako, huwezi kukubali maisha yaharibike hivi hivi. Tuungane pamoja kuhakikisha tunashinda vita hii,” alisisitiza.



Waziri Mkuu leo anaendelea na ziara yake mkoani Mbeya kwa kutembelea wilaya ya Mbozi ambapo mbali ya kuzungumza na wananchi, atazindua maabara Vwawa sekondari, atakagua ghala la nafaka la NFRA na kupokea taarifa ya uzalishaji na usambazaji wa miche ya kahawa kwenye kituo cha TACRI - Mbimba.

BONYEZA HAPA KWA HABARI KAMILI>>>

WEKA MAONI YAKO HAPA

0
VIONGOZI MBALIMBALI WAMIMINIKA KUHANI MSIBA WA KAPTEN KOMBA


 Waziri Mkuu Mstaafu,Mh Edward Lowasa akisaini kitabu cha maombolezo alipofika nyumbani kwa Marehemu Capt. John komba kuwapa pole wanafamilia na ndugu
 Waziri Mkuu Mstaafu Ndugu Fredrick Sumaye akisaini kitabu cha maombolezo kwenye msiba wa Kapteni John Komba.
 Waziri Mkuu Mstaafu Ndugu Fredrick Sumaye akimpa pole mke wa marehemu Kapteni John Komba.
 Waziri Mkuu Mstaafu Ndugu Fredrick Sumaye akisalimiana na wasanii wa TOT wakati akiwasili msibani.
Katibu wa NEC Itikadi na Uenezi CCM Taifa  Nape Nnauye akisaini kitabu cha maombelezo kwenye msiba wa Kapteni John Komba.
Spika wa Bunge la Jamhuri ya Muungano wa Tanzania Mheshimiwa Anna Makinda akisaini kitabu cha maombelezo ya msiba wa Mbunge wa Mbinga Magharibi Kapteni John Komba.
BONYEZA HAPA KWA HABARI KAMILI>>>

WEKA MAONI YAKO HAPA

0
RED BRIGADE WA CHADEMA, WALA KIAPO MBELE YA MBOWE, MWANZA


Vijana wa Chama Cha Demokrasia na Maendeleo CHADEMA, almaarufu kama RED BRIGADE, wakila kiapo cha utii, mbele ya Mwenyekiti wa taifa wa chama hicho, Freeman Mbowe, jijini Mwanza leo Jumamosi Februari 28, 2-015. Kiapo hicho kinafuatia kkamilika kwa mafunzo ya kiulinzi na usalama kwa vijana hao, ambapo nchi inaelekea kwenye uchaguzi mkuu unaotarajiwa kufanyika Oktoba mwaka huu 2015.
Vijana hao wakila kiapo mbele ya Mbowe, (kulia).
Mkurugenzi wa Ulinzi na Usalama wa CHADEMA, Wilfred Rwakatare (kulia), kiasoma taarifa ya mafunzo ya vijana wa chama hicho 'Red Brigedi' huku mwenyekiti wa taifa wa chama hicho, Freeman Mbowe (kushoto) akisikiliza kwa makini.
Vijana hao wakitoa heshima mbele ya Mwenyekiti wao Mbowe.PICHA KWA HISANI YA KIVIS BLOG
BONYEZA HAPA KWA HABARI KAMILI>>>

WEKA MAONI YAKO HAPA

0
WAZIRI MKUU PINDA-WAPUUZENI WANAOTUMIA VIBAYA MCHAKATO WA KATIBA MPYA

index
WAZIRI MKUU Mizengo Pinda amesema kuna baadhi ya watu wamegeuza mchakato wa upatikanaji wa Katiba Mpya kuwa wa kisiasa badala ya kujikita kuwafahamisha wananchi mazuri yaliyomo.
 
 Ametoa kauli hiyo  mwishoni mwa wiki wakati akiwahutubia wakazi wa Kata ya Lwangwa kwenye Halmashauri ya Busokelo wilayani Rungwe akiwa kwenye siku ya nne ya ziara yake mkoani Mbeya kukagua shughuli za maendeleo. “Katiba inayopendekezwa imezingatia maslahi ya kila kundi kwenye jamii hivyo zipuuzeni kauli zinazotolewa na baadhi ya watu kuwa Katiba hiyo haijakidhi malengo ya Kitaifa,” alisema.

 Alisema mabadiliko yaliyofanywa kwenye Katiba hiyo ni asilimia 20, huku asilimia iliyobakia ni sehemu ya mapendekezo yaliyotolewa na Tume ya Jaji Warioba.  Alisema ili kukabiliana na kauli za kiupotoshaji, Serikali imeanza kusambaza nakala za Katiba inayopendekezwa hasa kwenye mikoa ya pembezoni.

 “Jumla ya nakala 300 za Katiba Inayopendekezwa zitasambazwa kwenye kila Kata ambapo makundi yenye uwezo wa kutoa elimu sahihi kuhusiana na Katiba inayopendekezwa yatapatiwa nakala hizo ili kuwaelimisha wananchi,” alisema Waziri Mkuu. 

 Wakati huohuo, akiwa Tukuyu mjini, Waziri Mkuu alizindua ofisi za Halmashauri hiyo baada ya jengo la zamani kupata nyufa kutokana na tetemeko la ardhi. Pia alizindua maabara tatu kwenye shule ya sekondari ya wasichana ya Kayuki.

 Akizungumza na maelfu ya wakazi waliojitokeza kumsikiliza kwenye mkutano wa hadhara uliofanyika kwenye uwanja wa michezo wa Tandale jana jioni, Waziri Mkuu aliwataka wakazi hao kujitokeza kwa wingi na kujiandikisha wakazi zoezi la uboreshaji Daftari la Kudumu la Wapiga Kura litakapoanza.
BONYEZA HAPA KWA HABARI KAMILI>>>

WEKA MAONI YAKO HAPA

0
NEC yaongeza muda wa kujiandikisha Makambako mkoani Njombe

Tume ya Taifa ya Uchaguzi imeongeza muda wa siku mbili zaidi katika zoezi la uandikishaji wapiga kura kwenye daftari lakudumu la wapiga kura kwa njia ya Biometric voters registration (BVR) lililokuwa limalizike hii leo katika halmashauri ya mji wa Makambako mkoani Njombe kutokana na idadi kubwa ya watu waliojitokeza kujiandikisha.
 
blog hii  ilifika katika baadhi ya vituo kwenye mitaa ya mji wa Makambako na kukuta misururu ya watu walio na shauku ya kujiandikisha katika daftari hilo ili kuwahi muda wa kufunga zoezi hilo huku baadhi yao wakieleza kuwa muda wa wiki moja kufanya zoezi hilo uliopangwa na tume ya taifa ya uchaguzi hautoshi kwani watu wengi hawajajiandikisha bado hadi leo.
 
Majira ya saa kumi jioni tulifika katika ofisi za halmashauri ya mji wa Makambako na kuzungumza na mkurugenzi wa halmashauri hiyo Bibi Vumilia Nyamoga ambaye ameeleza namna zoezi linavyoendelea na kutoa tangazo hilo la tume ya uchaguzi linaloeleza kuongezwa muda wa zoezi hilo na sababu za uamuzi huo.
 
Aidha afisa huyo mwandikishaji Bibi Nyamoga ameeleza kuwa kutokana na mwitikio huo wa watu kujitokeza kujiandikisha wameweza kuvuka lengo la kuandikisha watu elfu 33 lililowekwa na tume ya taifa ya uchaguzi hapo awali huku watu wakiendelea kumiminika kutaka kujiandikisha katika daftari hilo lakudumu.
BONYEZA HAPA KWA HABARI KAMILI>>>

WEKA MAONI YAKO HAPA

0
VIDEO: Rais Kikwete Aifariji Familia ya Marehemu Kapten John Komba

Rais Jakaya Mrisho kikwete akiweka saini katika kitabu cha maombolezo alipokwenda kutoa pole na kuifariji familia ya Mbunge wa Mbinga Magharibi na Mjumbe wa Halmashauri Kuu ya CCM Marehemu Kepteni John Komba aliyefariki dunia juzi, nyumbani kwa marehemu Mbezi kwa Komba jijini Dar es salaam jana March 1, 2015.

Rais Jakaya Mrisho kikwete akiweka saini katika kitabu cha maombolezo alipokwenda yeye na Mama Salma Kikwete kutoa pole na kuifariji familia ya Mbunge wa Mbinga Magharibi na Mjumbe wa Halmashauri Kuu ya CCM Marehemu Kepteni John Komba aliyefariki dunia nyumbani kwa marehemu Mbezi kwa Komba jijini Dar es salaam March 1, 2015.

Mke wa Rais Mama Salma Kikwete akiweka saini katika kitabu cha maombolezo walipokwenda kutoa pole na kuifariji familia ya Mbunge wa Mbinga Magharibi na Mjumbe wa Halmashauri Kuu ya CCM Marehemu Kepteni John Komba aliyefariki dunia, nyumbani kwa marehemu Mbezi kwa Komba jijini Dar es salaam March 1, 2015.
Rais Jakaya Mrisho kikwete na mkewe Mama Salma kikwete wakimfariji familia ya Mbunge wa Mbinga Magharibi na Mjumbe wa Halmashauri Kuu ya CCM Marehemu Kepteni John Komba aliyefariki dunia, nyumbani kwa marehemu Mbezi kwa Komba jijini Dar es salaam March 1, 2015.
Fedrick Sumaye akimpa pole mfiwa mke wa Marehemu bi Salome John Komba.Mbunge wa Jimbo wa Arumeru Mashariki Joshua Nassari akiandika katika kitabu cha maombolezo.
 
Rais Jakaya Mrisho kikwete na mkewe Mama Salma kikwete wakiwafariji wasanii wa Tanzania One Theatre kufuatia kifo cha kiongozi wao,  Mbunge wa Mbinga Magharibi na Mjumbe wa Halmashauri Kuu ya CCM Marehemu Kepteni John Komba aliyefariki dunia, nyumbani kwa marehemu Mbezi kwa Komba jijini Dar es salaam March 1, 2015.
Spika wa Bunge la Jamhuri ya Muungano wa Tanzania Anna Makinda(kushoto)akimpa pole Hadija Kopa msanii wa Taarabu nyumbani kwa kapteni Komba.
Katibu uenezi wa Itikadi chama cha CCM Nape Nauye akiwapa mkono wa pole wasanii wa bendi ya (TOT) ya Marehemu Kapteni John Komba aliyokuwa akiimbia.
Dr. Jakaya Kikwete akiwa msibani kwa Marehemu John Komba-Mbezi Tangi bovu.
Waombolezaji wakiwa msibani
Aliyekuwa Waziri Mkuu wa Tanzania, Edward Lowassa, akisalimiana na Asha Baraka msibani hapo.
BONYEZA HAPA KWA HABARI KAMILI>>>

WEKA MAONI YAKO HAPA

0
Mwili wa Kapteni Komba kuagwa leoo karemjee jijini Dar

Mwili wa aliyekuwa mbunge wa Mbinga Magharibi na Mkurugenzi wa kundi la uhamasishaji chama cha CCM LA Tanzania One Theatre (TOT), Kapteni Mstaafu John Komba unatarajiwa kuagwa leo katika viwanja vya Karimjee.

Mwili huo utaagwa kuanzia saa nne asubuhi kabla ya kusafirishwa kwenda Mbinga kwa maziko siku ya Jumanne.
 
Kifo cha Marehemu Komba kinakuwa ni pigo jingine kubwa katika tasnia ya Burudani kutokana na mchango wake, na kwa niaba ya wadau wengine wa tasnia hiyo, blog hii  iliongea na Asha Baraka kutoka msibani, ambaye alieleza kuwa Kapteni Komba ni mfano wa kuigwa na wasanii Wengine kutokana na kujituma kwake katika sanaa, akiwa pia na mchango mkubwa katika kukitangaza chama cha mapinduzi kupitia sanaa yake hiyo.
 
Marehemu Kapteni Mstaafu John Komba alifariki dunia juzi kwa tatizo la shinikizo la damu katika hospitali ya TMJ Jijini Dar es Salaam. Mwenyezi Mungu ailaze roho ya Marehemu Mahala pema peponi Amina.
BONYEZA HAPA KWA HABARI KAMILI>>>

WEKA MAONI YAKO HAPA

0
SERIKALI IKO MBIONI KUUGAWA MKOA WA MBEYA




indexSERIKALI imeyapokea maombi ya kikao cha Kamati ya Ushauri ya Mkoa (RCC) cha Mkoa wa Mbeya yanayopendekeza mkoa huo ugawanywe na kupata mikoa miwili ya Mbeya na Songwe.

Akizungumza na maelfu ya wananchi kwenye mkutano wa hadhara uliofanyika jana (Jumamosi, Februari 28, 2015) kwenye uwanja wa Saba Saba wilayani Chunya, Waziri Mkuu Mizengo Pinda alisema Serikali imeridhia maombi hayo kutokana na ukubwa wa mkoa huo ambao una kilometa za mraba 63,000.

 “Tumekwishapokea maombi ya kuugawanya mkoa wa Mbeya kwa sababu mkoa huu una eneo la kilometa za mraba 63,617 zilizogawanyika katika Wilaya 8 na Halmashauri 10. Hili ni eneo kubwa sana kiutawala, siyo rahisi kuusimamia na kusukuma maendeleo,” alisema.

 Alisema kamati hiyo imeshauri mkoa huo ugawanywe katika wilaya nne nne ambapo mkoa mpya wa Songwe utakuwa na wilaya za Ileje, Momba, Mbozi na Chunya.
 Wamekubaliana kuwa makao makuu yatakuwa Mbozi lakini ninyi wa chunya mmeenda mbali zaidi kwa kuigawa Chunya kwenye wilaya mbili za Songwe na Chunya ambapo chunya itaenda Mbeya,” alisema Waziri Mkuu huku akishangiliwa.
BONYEZA HAPA KWA HABARI KAMILI>>>

WEKA MAONI YAKO HAPA

Sunday, March 01, 2015

0
MAREHEMU JOHN KOMBA AACHA MKE WA NA WATOTO 11....!!!!

Mbunge wa Mbinga Magharibi na Mkurugenzi wa Kikundi cha Tanzania One Theatre (TOT) Kapteni John Komba amefariki dunia jana alipokuwa akipelekwa katika hospitali ya TMJ jijini Dar es Salaam baada ya kuzidiwa.

Taarifa za kifo hicho zimethibitishwa na Hospitali ya TMJ, ofisi ya Bunge na Chama Cha Mapinduzi na kwamba kwa sasa taratibu za maziko yake zinaendelea kufanywa .
 

Aidha taarifa za hivi punde kutoka nyumbani kwake maeneo ya Mbezi Beach Tangi Bovu zinaeleza kuwa maelfu ya watu kutoka katika kada mbalimbali wanaendelea kumiminika nyumbani kwa marehemu ili kutoa faraja kwa familia kwani marehemu ameacha mjane mmoja na watoto kumi na moja.

Akizungumza na tovuti hii mmoja wa madaktari aliyempokea wakati anafikishwa hospitali ya TMJ, Dk Elisha Ishan amesema Komba alifikishwa hospitalini hapo saa 10 jioni jana akiwa mahututi .

"Nilimpokea nilianza moja kwa moja kumpima shinikizo la damu na vipimo vingine lakini tayari vilikuwa havifanyi kazi na hapo ndipo tukathibitisha kuwa ndugu yetu ameaga dunia," amesema Dk Ishan

Pamoja na hayo Dk Ishan amekwepa kutaja moja kwa moja chanzo cha kifo cha mareheme, hata hivyo amesea Kapteni Komba alikuwa na tatizo la shinikizo la damu na kwamba siku za karibuni alifika hospitalini hapo kwenye kiliniki yake ya shinikizo la damu.

Marehemu Kaptain Komba alizaliwa Marchi 18 mwaka 1945 alipata elimu ya msingi huko nchini Tanzania katika shule ya Lituhi baadae elimu ya sekondari katika shule ya sekondari ya Songea iliyopo kusini mwa Tanzania kuanzia 1971 hadi mwaka 1974.

Mwaka 1975 hadi mwaka 1976 Marehemu John Komba alijiunga na chuo cha ualimu kilichopo Kleruu Iringa, Kusini Magharibi mwa Tanzania ambapo alihitimu cheti cha ualimu.

Marehemu John Komba ni mwanajeshi ambaye alipata mafunzo ya uafisa wa Jeshi katika chuo cha Maafisa wa Jeshi kilichopo Monduli kaskazini mwa Tanzania mwaka 1978 hadi mwaka 1978.

Keptain John Komba pia alipata mafunzo mengine ya siasa kutoka chuo Kikuu cha Washngton International ambapo alitunukiwa shahada ya siasa mwaka 2006 hadi mwaka 2008.
BONYEZA HAPA KWA HABARI KAMILI>>>

WEKA MAONI YAKO HAPA

0
NEWS ALERT: Prof Anna Tibaijuka, Andew Chenge na Wiliam Ngeleja, wasimamishwa Ujumbe wa NEC na Halmashauri Kuu ya CCM

Halmashauri kuu ya ccm imewasimamisha ujumbe wa nec,anna tibaijuka,mtemi chenge na ngeleja!uku wale wote waliotangazaa kugombea urais kabla ya muda wanachunguzwa Ili wachukuliwe hatua kali
Source itv
=================


KAMATI KUU ya Chama Cha Mapinduzi (CCM) iliyokutana leo tarehe 28/8/2015, kuanzia saa nne asubuhi mpaka saa kumi na moja alasiri, kimeazimia yafuatayo;
> Kamati Kuu imepokea kwa masikitiko makubwa kifo cha Mjumbe wa Halmashauri Kuu ya Taifa ya CCM, msanii wa Chama na Kada wa muda mrefu Mheshimiwa John Damian Komba.

Mwenyekiti wa CCM, Mhe Dr Jakaya Mrisho Kikwete ameelezea kuwa msiba huo ni pigo kubwa kwa Chama hasa katika wakati huu wa kuelekea kwenye uchaguzi na pengo ambalo ni vigumu kuliziba.

CCM imepata pigo na Kamati Kuu chini ya Mwenyekiti inatoa pole kwa familia, ndugu, jamaa na marafiki wa Kapteni John Damian Komba.

Kazi yake kubwa ndani ya Chama itaandikwa katika historia iliyotukuka ya Chama Cha Mapinduzi.

> Pia, kutokana na Kikao cha Kamati Kuu iliyopita iliyoiagiza kamati ya maadili kuwaita na kuwahoji wanachama na viongozi watatu waliotajwa kuhusika na kashfa ya Escrow.
@ Mheshimiwa Anna Kajumulo Tibaijuka
@ Mheshimiwa William Mganga Ngeleja
@ Mheshimiwa Andrew Chenge

Baada ya Kamati ya Maadili kuwahoji, Kamati Kuu imeazimia kuwasimamisha kuhudhuria vikao ambavyo wao ni wajumbe ikiwemo Kamati kuu kwa Mama Tibaijuka na Halmashauri Kuu ya Taifa kwa Mheshimiwa Chenge na Ngeleja.,wakati ambapo kamati ndogo ya maadili ikiendelea na uchunguzi wa kuhusika kwao katika kashfa hiyo.

> Pia, Kamati Kuu imejadili suala la Adhabu iliyotolewa kwa wanachama sita ambao walibainika kuvunja Kanuni na sheria za Chama kwa kuanza Kampeni kabla ya wakati na imeiagiza Kamati Ndogo ya Maadili kuendelea kuchunguza mienendo ya wanachama hao katika kipindi walichokuwa wanatumikia adhabu zao.

Na kisha taarifa hiyo ya Kamati ndogo ya maadili itawasilishwa kwa Kamati Kuu.
BONYEZA HAPA KWA HABARI KAMILI>>>

WEKA MAONI YAKO HAPA

0
Picha ya kwanza ya Marehemu John Komba mara baada ya kufariki dunia.

...Komba enzi za uhai wake.
CHINI NI VIDEO YA UNDANI WA KIFO CHAKE
BONYEZA HAPA KWA HABARI KAMILI>>>

WEKA MAONI YAKO HAPA

0
MSANII WA FILAMU TANZANIA SALMA JABU (NISHA) AFUNGUKA MAKUBWA KWENYE KIPINDI CHA PAPASO TBC NA D'JARO ARUNGU,JIONEE MWENYEWE.

BONYEZA HAPA KWA HABARI KAMILI>>>

WEKA MAONI YAKO HAPA

0
PICHA:RAIS JAKAYA KIKWETE ASHIRIKI KUAGA MWILI WA MAMA MZAZI WA MKURUGENZI MKUU WA TAKUKURU DR EDWARD HOSEA

Rais Jakaya Mrisho Kikwete na Mama Salma Kikwete wakitoa heshima zao za mwisho kwa Marehemu Esther Gigwa Hosea, Mama Mzazi wa Mkurugenzi Nkuu wa TAKUKURU, Dkt Edward Hosea huko Masaki jijini Dar es salaam.
Rais Jakaya Mrisho Kikwete na Mama Salma Kikwete wakimfariji Mkurugenzi Mkuu wa TAKUKURU, Dkt Edward Hosea Msaki jijini Dar es salaam walipofika heshima zao za mwisho kwa mama yake mzazi Marehemu Esther Gigwa Hosea huko Masaki jijini Dar es salaam.
Rais Jakaya Mrisho Kikwete na Mama Salma Kikwete pamoja na Makamu wa Rais Dkt Mohamed GhariB Bilali, Katibu Mkuu kiongozi Balozi Ombeni Sefue wakiwa pamoja na wafiwa wakati wa kuaga mwili wa Marehemu EstherGigwa Hosea, Mama Mzazi wa Mkurugenzi Mkuu wa TAKUKURU, Dkt Edward Hosea huko Masaki jijini Dar es salaam.
Sehemu ya wafiwa na waombolezaji wakati wa kuaga mwili wa Marehemu Esther Gigwa Hosea, Mama Mzazi wa Mkurugenzi Nkuu wa TAKUKURU, Dkt Edward Hosea huko Masaki jijini Dar es salaam.Picha na IKULU
BONYEZA HAPA KWA HABARI KAMILI>>>

WEKA MAONI YAKO HAPA